LEGAZPI CITY- Pinaghahandaan na an posibleng epekto kan pigbabantayan na raot nin panahon urog pang pigkakahaditan na maging super typhoon Uwan ini oras na maglaog sa Philippine Area of Responsibility.
Segun ki Masbate Chief Meteorological Officer Rizza Bartolata sa intrevista kan Bombo Radyo Legazpi na basado sa track kan raot nin panahon, posibleng itaas na an tropical cyclone wind signal sa parte kan Samar asin eastern portion kan Luzon.
Huli digdi, otomatikong makakanselar man an biyahe kan mga barko sa nasabing mga lugar.
Katakod kaini, pinayuhan kan opisyal an mga biyahero na magbiyahe na antes pa an aldaw nin Sabado ngani na maibitaran an pagka stranded sa mga pantalan.
Napag-araman na laog man an Bicol sa cone of confidence kan nasabing raot nin panahon kaya mas marhay suboot an pagkakaigwa nin preparasyon.
Kaibanan sa mga dapat paghandaan kan rehiyon an makusog na mga pag-uran, paros asin storm surge.
Segun ki Bartolata na kun dae magbabago an hiro kan raot nin panahon, posibleng maibandera man sa Albay an signal number 2.
