Nagkapirang Beauty queen sa Albay natawanan nin pagbisto kan Provincial Government kan Albay.
Sa intrevista kan Bombo Radyo Legazpi kay Glenda O. Bongao,Vice Governor kan ALbay nagkapirang mga beauty queen na nagbali sa international asin national pageant an pinagtawan nin pagbisto.
Saro sa mga natawanan nin pagbisto si Jeanne Isabelle Bilasano asin nagsagibo pa nin Motorcade sa Albay.
Pinaglalaoman pa na sa mga masunod na aldaw ay tatawanan man nin pagbisto an iba pang beauty queens sa Albay.
Suboot ay nahudyan lang an pagpasar kan resolution para sa pagtataong pagkilala sa mga naunambitang mga personalidad alagad ay dagos man giraray an probinsya sa pagtataong honra sa mga Beauty queens.
Mientras tanto sa napag-oolayan na man sa ngunyan sa probinsya an pagbabalik kan Ms. Teen Albay para mas pakusugon an Beauty pageantry sa probinsya kan Albay.
An Ms. Teen Albay an naisagibo kan taong 2015 sa Albay alagad dae na nasundan pa.
Dakula man an paglaom kan opisyal na sa paagi kan Ms. Teen Albay na makapag-produce nin mga Future Beauty Queen na malaban sa National asin International Pageant.
Posibleng maibalik sa bulan kan desyembre an Ms. Teen Albay.
