LEGAZPI CITY – Ikinaugma kan mga opisyales kan Barangay Gogon, Legazpi City na kinolekta na kan Office of the City Environment and Natural Resources an basura sa saindang Material Recovery Facility.
Segun ki Punong Barangay Ma. Theresa Naz sa intrevista kan Bombo Radyo Legazpi na natambakan sinda nin haros duwang aldaw huli ta ginamit an truck sa clearing operation kan lokal na gobierno makalihis an epekto ni Bagyong Uwan.
Mapoon na man suboot an mga eco-aide sa pagkolektar liwat nin mga basura sa mga kaharongan huli ta nagbalik na operasyon kan nasambitang opisina sa paghahakot kan saindang mga basura.
Pagdoon pa kan opisyal na dakol an saindang permihang nakokolektar na basura huli sa dakula kan saindang barangay kun sain igwa nin nin kabilugang 12 purok.
Afuera pa suboot sa mga inanod kan mga baha pasiring sa saindang barangay huli sa pagrapado ni Bagyong Uwan kan nakaaging semana.
Pangapodan ni Naz sa saiyang mga residentes na dae na muna magtambak nin mga basura sa luwas kan saindang mga kaharongan kundi an halaton na sana an paglibot kan saindang mga eco-aide.
