LEGAZPI CITY-Sinabi kan Integrated Bar of the Philippines (IBP) na an mga alegasyon ni dating Ako Bicol Representative Zaldy Co laban kay President Ferdinand Marcos Jr. asin dating House Speaker Martin Romualdez an warang legal na batayan hasta sa dai ini pigbubugtak sa pormal na panunumpa asin maipasa sa tamang otoridad.
Segun kay IBP National President Atty. Allan Panolong, an mga bako sinumpaang pahayag an dai pwedesir na magin ebidensya sa korte.
Nabanggit man niya na an oath taking an nagsisierto kan accountability asin nagtataong paagi sa due process, kun sain may pagkakataon an akusadong partido na ipaglaban an saiyang sadiri.
Dagdag pa ni Panolong, bako gabos kan materyal na ipinapahiling online an awtomatikong ebidensya, asin kaipuhan na may tamang authentication kan mga ladawan asin dokumento hale sa mga eksperto.
kasunod ini kan ikatulong parte kan video ni Co, kun sain inakusaran niya si Romualdez nin pananakot sa saiyang buhay asin nagsabing kadakol pa siyang ipapaluwas na mga ebidensya sa mga masunod pang aldaw.
