Inagyat kan mga abogado ni dating Presidente Rodrigo Duterte an hurisdiksyon kan International Criminal Court (ICC) katakod kan mga mga kasong crimes against humanity na pigtatakod sa madugong kampanya kontra droga kan saiyang administrasyon.
Sa saindang pagsusumite sa ICC kan Mayo 1, 2025, ipigdoon ninda Atty. Nicholas Kaufman asin Dr. Dov Jacobs na dae na pwedesir gamiton kan korte an hurisdiksyon kaini sa Pilipinas makalihis an pagkalas kan nacion sa Rome Statute kan Marso 17, 2019.
Segun sa sainda, malinaw sa ley kan ICC na dapat an miyembro pa an sarong nacion sa oras kan pagsasakdal.
Kan magpoon suboot an imbestigasyon asin magluwas nin desisyon an Pre-Trial Chamber, luminagpas na sa petsa kan withdrawal kan Pilipinas, kun kaya wara na ining legal na basehan.
Tinuligsa man ninda an Prosecution sa suboot an pagkariribok kaini sa pagultanan kan hurisdiksyon asin mga kundisyon kan paggamit kaini.
Pinuna ma ninda an pagsambit sa Article 127 (2) kan Rome Statute, na suboot dae dapat ipaotob sa kaso ni Duterte.
Alagad segun sa ICC, magtetenir an hurisdiksyon kaini sa mga krimeng nangyari mantang miyembro pa an Pilipinas.
Sa report kaini kan Marso 12, sinabi kan korte na may reasonable grounds nganing tubudan na si Duterte an may paninimbagan bilang indirect co-perpetrator sa rinibong kaso nin paggadan sa pagultangan kan Nobyembre 1, 2011 asin Marso 16, 2019.
Dugang pa kan ICC, may matibay na ebidensiya na an mga pag-atake laban sa sibilyan an isinagibo bilang parte kan polisiya kan estado asin kan Davao Death Squad na suboot pinangenotan ni Duterte kaidto.
Naarestar si Duterte kan Marso 11, 2025 pag-abot hale Hong Kong.
Segun sa warrant of arrest, siya suboot an nag-establisar, pinondohan, asin nagtaong armas mga grupo na imbuelto sa mga paggadan.
Siya an dinara sa The Hague, Netherlands nganing hampangon an mga akusasyon.
 in connection with cases of crimes against humanity linked to his administration's bloody anti-drug campaign.){kind=link}