LEGAZPI CITY – Inengganyar kan sarong mental health advocate an mga jovenes na nasa online classes na ingatan man an salud kan kaisipan.
Ipighayag ni Elle De Villa, psychometrician sa Bombo Radyo Legazpi, dakul an nagpapahayag na “stressed” sa mga online classes bako sana sa mga estudyante kundi magin sa mga paratukdo.
Nagtutubod si De Villa na tangarig na magkaigwa nin transfer of learning kaipuhan an psychosocial support sa mental health.
Tipikal na nagpapagabat sa mga pig-iisip kan mga estudyante an responsibilidad sa pamilya urog na kun dai nakakayanan kan mga magurang an pagpapaeskwela, pagal asin helang na pisikal, kawaran nin epektibong time management, kawaran nin social interaction asin dakol na iba pa.
Alagad an nagkapira na dai ini nakakayanan an nagbubusol tangarig magdesisyon na tapuson na an buhay.
Dapat na maagapan an nasabing pangyayari kaya apela ni De Villa sa mga estudyante na magin bukas sa mga problema sa mga paratukdo o guidance counselor.
Mahahanapan man nin paagi kun papano mareresolberan an nasabing problema.
