LEGAZPI CITY-Nakaalerto na an Municipal Disaster Risk Reduction and Management Office kan Pioduran sa Albay huli sa posibleng epekto kan pinagbabantayang Super El Niño sa nacion.
Segun ki Pioduran MDRRMO Head Noel Ordoña, sa intrevista kan Bombo Radyo Legazpi na haloy nang nakaalerto sinda poon pa kan enot na mag-anunyso an PAG-ASA manungod sa epekto kaini.
Dakula suboot an epekto kaini sa sainda, orog na an kadaklan na hanapbuhay kan saindang mga residentes an pag-ooma.
Kun sain labing maaapektaran an sektor kan agrikultura enkaso magtama ini, alagad sa presente wara pa ining epekto huli sa igwang mga pag-uuran pa na naeeksperyensyahan.
Nagkaigwa na man sinda nin contingency plan, health check asin iba pang interbensyon.
Afuera sa El Niño, pinagbabantayan man ninda an dengue cases sa saindang lugar.
Sinabi ni Ordoña na sa panahon na ini, mas matindi an peligro sa tropical diseases.
Padagos man an saindang pagsasagibo nin lakdang ngani maasigurar an seguridad kan mga residentes sa saindang banwaan.
