LEGAZPI CITY-Nakuwaan nin live footage kan Philippine Institute of Volcanology and Seismology (Phivolcs) an padagos na lava fountaining asin strombolian activity kan Bulkang Mayon ngonian na aldaw, Marso 16, 2026.
Nagpoon an aktibidad na ini bandang alas-3:32 nin maagahon asin naghaloy nin hasta 7:10 nin pag-kaaga.
An strombolian activity, sarong mild-to-moderate explosive volcanic eruption kun sain sunod-sunod an pagbuga kan bulkan nin nagbabagang lava, mahibog na aso, asin iba pang volcanic materials.
Susog sa Phivolcs, ini na an ika-70 aldaw kan padagos na pag-aalburuto kan Mayon poon kan maitaas ini sa Alert Level 3.
Nagpapadagos man an pagbulos nin lava asin pyroclastic density currents (PDCs) o uson, kaiba an mga rockfall o an mga nabibilog na darakulang tipak nin gapo na nagsisibagsakan hale sa itaas kan bulkan pasiring mga gullies.
Huli digdi, nagtetenir man na ipinagbabawal an paglaog sa 6-kilometer Permanent Danger Zone (PDZ) kan bulkan.
