LEGAZPI CITY-Ipighayag ni Senador Erwin Tulfo na target poonan sa Hulyo 6 an impeachment trial ni Vice President Sara Duterte makalihis suboot ining mapag-olayan sa caucus kan mga senador.
Segun kay Tulfo, ipinrisinta na ni Senate President Alan Peter Cayetano an propwestong iskedyul kun sain idadagos muna an regular session sa Senado sa pagka-aga bago tuluyang poonan an impeachment proceedings sa pagkahapon, poon sa Lunes hasta sa Miyerkules.
Mientras tanto, tutol man si Tulfo sa propwesto ni Senador Rodante Marcoleta na tugutan na makapag boto si Senador Ronald “Bato” Dela Rosa sa impeachment proceedings maski pa dai ini pisikal nas makaatendir.
Sinabi niya na kaipuhan na personal na mag-atendir an sarong senador ngani makapartisipar sa proseso.
Magigirumduman na sa presente, nahahampang si Dela Rosa sa orolay katakod kan ICC arrest warrant makalihis na ibasura kan Korte Suprema an saiyang kahagadanna Temporary Restraining Order.
Dagdag pa ni Tulfo, pighahalat pa kan mga senador an magigin direksyon kan Senate leadership mapadapit sa nasabing orolay.
