LEGAZPI CITY- Pinaglalaoman na nasa preparatory stage pa an masunod na pagdangog kan Senate impeachment court kontra ki Vice President Sara Duterte.
Segun sa influencer lawyer na si Atty. Carlo Ybañez sa intrevista kan Bombo Radyo Legazpi na alagad nagu-usad na an impeachment, pinaglalaoman na ma-focus pa an senator judges sa pag-oolay sa rules, order kan trial asin sa paghahanda sa mga testigo.
Ipinaliwanag man kaini na applicable sa senate proceedings an rules of court.
Sinabi kaini na an gabat kan proseso an nakasalalay sa House prosecution panel huli ta kinakaipuhan na masierto na solid an gabos na legal arguments.
Kun mapalyar kaya an prosekusyon na magpresentar nin bastanteng ebidensya, posibleng magin dalan suboot ini ngani na ma-aquit si Vice President Sara.
Mientras tanto, sinabi ni Ybañez na magigin maraot man para sa kampo kan bise presidente kun dae ini masumiter nin kasimbagan sa articles of impeachment.
Paliwanag niya na igwang diretsos si Vice President Sara na magsimbag sa mga testigo kontra saiya asin kun dae ini maatendir o dae masumiter nin kasimbagan, garing mawawaran siya nin depensa.
Dagdag pa kun igwang subpoena na ipapaluwas an Senado, dapat na mag-atendir an bise presidente sa pagdangog huli ta pwedesir siyang ma cite in contempt.
