Isinapubliko kan dating nobya ni Anthony Jennings an suboot ‘affair’ o panloloko saiya kan aktor huli ki Maris Racal.
Inakusaran ni Jamela Villanueva na si Maris an rason kan pagbubulagan ninda ni Anthony.
Nag-post pa ini nin mga screenshots kan suboot mga pag-oolay kan duwa.
Marurumduman na an relasyon ninda Jamela asin Anthony an enot na nagkalamat kan Hunyo alagad binalo pa suboot na ayuson.
Si Maris man an nag-anunsyar ka pagbubulagan ninda ni Rico Blanco kan nakalihis na Hulyo.
Sa presente dae pa nagpapaluwas nin pahayag an kampo ninda Maris asin Anthony dapit sa isyu.
