Inanunsyo ni Presidente Ferdinand Marcos Jr., an mga programang tabang para sa mga driver asin operator kan mga public utility vehicles (PUVs) huli sa halangkaw na presyo kan langis.
Kabale digdi an P10 kada litro nin fuel subsidy na may limitasyon na 150 litro kada semana.
Ipapautob ngona ini sa Metro Manila sa laog nin tulong bulan antes ipalakop sa ibang lugar.
Gigibohon ini sa mga aprobadong gasolinahan na pigbabantayan kan Department of Energy.
Naglansar man nin service contracting program kun sain babayadan kan gobyerno an mga drayber asin operator nin P40 hasta P100 kada kilometro.
Iimplementar ini poon Abril 15 sa pangengenot kan Department of Transportation asin piglalaoman na makikinabang an 50,000 PUVs, 1,000 operators, asin poco mas o menos 15 milyong pasahero.
Sakop kan programa an mga biyahe sa off-peak hours nganing masyerto na an mga pasahero igwa nin access sa transportasyon maski bako rush hour.
Kabali man digdi an dai mababa sa 20% na diskwento sa pamasahe para sa mga pasahero.
Katuyuhan kan mga lakdang na mapagaan an epekto kan sunod-sunod na paglangkaw kan presyo kan langis sa ganansya kan mga drayber asin gastos kan mga commuters.
 due to high oil prices.){kind=link}