LEGAZPI CITY — An maray na komunikasyon suboot an naging paagi ngane na maibalik an proposed budget kan Commission on Human Rights (CHR), National Commission on Indigenous Peoples (NCIP) asin Energy Regulatory Commission (ERC).
Segun ki AKB Partylist Rep. Alfredo Garbin, nagkaolay an mga pamayo kan tulong ahensya kan gobyerno asin si House Speaker Pantaleon Alvarez asin tinukar kun ano an dapat na gibuhon ngane na maibalik an saindang iprinopuestong pondo hale sa P1000.
Sinabi ni Garbin, kaipuhan kaya na magkaigwa nin access o direktang komunikasyon sa house speaker ngane na mapakaray an dae pagkakasinabutan.
Sa naging meeting, nasabutan suboot an trabaho kan mga ahensya asin Kongreso kun sain para sa CHR, mawot nindang protehiran asin i-safeguard an direchos kan lambang Pilipino asin bako sana an hilingon an mga pang-aabusong kinaiimbweltuhan kan mga nasa gobyerno.
Digdi naman suboot nagkaigwa nin rekomendasyon si Alvarez na i-restore an pondo kan mga ahensya.
Dugang pa ni Garbin, an Kamara an kaya sanang mag-apruba o magbawas sa iprinopuestong pondo alagad dae pwedesir maglangkaw kaini.
En kaso man suboot na maibalik man an pondo kan Palasyo, wara ng rason ngane na magkaigwa pa ni bicameral conference.
