Nairehistro an mahewasan na wildfire sa San Clemente asin San Juan Capistrano sa California, na nakadistroso nin nagkapirang mga kaharungan.
An nasabing insidente an nagresulta man sa pag-ebakwar kan nasa 16,000 na mga residente.
Marikas na naglakop an kalayo sa San Clemente huli sa makusog na paros asin dry condition sa lugar.
Nagpapadagos man an pagpuho kan mga firefighters sa nasabing wildfire.
Mahigot man an pagirumdom kan mga otoridad sa mga residente na nagtetenir sa mga apektadong lugar na magsunod sa ipigpapaotob na pag-ebakwar.
Mientras tanto, ipigkakahadit na mas maghewas pa an nasabing wildfire huli sa kondisyon kan panahon.
