LEGAZPI CITY-Sinabi kan forestry minister na si Raja Juli Antoni na masakit an pag-aapula kan kasulo sa bilog na Indonesia, mantang nasa panahon ngonian kan El Niño an lugar.
Sa laog nin pirang semana, pinakusog kan Indonesia an mga paghihingoa na makontrol an haze o ambon gikan sa mga forest asin land fires sa anom na probinsya sa mga isla nin Borneo asin Sumatra pagkatapos na an aso nagkawsa nin respiratory illnesses asin napiritan an rinibong eskwelahan na maglipat sa online classes, kabale na an mga kataraid kan Malaysia.
An “super-El Niño” sa nacion an nagpapalala sa mga kasulo, na nagigin dahelan kan tag-mara.
Mientras tanto, an mga hot spot nabawasan na sa bilog na Kalimantan asin Sumatra sa katapusan kan Agosto segun sa ministro.
Alagad dai pa suboot tapod an mga problema, huli ta nasa peak kan El Niño an bulan kan Setyembre.
An mga kasulo sa kadlagan nagtupok nin nasa 200,000 ektarya (494,210 acres) nin daga poon Enero sagkod Hulyo. Basado sa datos kan ministeryo, nagpahiling na naglangkaw poon 107,465 ektarya kan nasulo poon Enero sagkod Hunyo.
Sinabi man kan environmental bureau kan Pilipinas na an haze nakaabot na sa Manila kan Martes, na nagresulta nin “very unhealthy” asin “acutely unhealthy” na lebel asin kalidad kan parus sa nagkapirang lugar.
An kalidad kan parus sa anom na lugar sa estado nin Sarawak kan Malaysia, nag-abot naman sa peligrosong lebel kan Martes, basado sa datos kan environmental department kan nacion.
