Nagtutubod an Malacañang na parte kan diskarte kan House prosecution an paghampang sa kontrobersiyal na si “Mary Grace Piattos” bilang testigo.
Ini makalihis kumpirmaron ni House prosecutor asin Manila Rep. Joel Chua na saro si Piattos sa 25 testigo na ihahampang ninda sa impeachment trial ni Vice President Sara Duterte, partikular na katakod kan isyu kan confidential funds.
Segun ki Palace Press Officer Undersecretary Claire Castro, nasa prosekusyon an desisyon kun siisay an saindang ihahampang na mga testigo, urog pang parte kan estratehiya an lakdang.
Binanggit man kan Palace Official na basado sa datos kan Philippine Statistics Authority (PSA), warang record kan pangaran na “Mary Grace Piattos,” kaya posibleng madifisilan sindang matukoy an nasabing indibidwal.
Mientras tanto, inagyat man ni House prosecutor Joel Chua an kampo ni Vice President Sara Duterte na ihampang si “Mary Grace Piattos” sa impeachment trial ngani na dagos na malinawan an kontrobersiya katakod kan suboot pagamit kan confidential funds.
Binanggit ni Chua na nagluwas an pangaran ni Mary Grace Piattos sa mga acknowledgment receipt na ginamit sa liquidation kan confidential funds kan Office of the Vice President.
