LEGAZPI CITY-Kinumpirma kan Malakanyang na tinanggal na sa pwesto ni President Ferdinand Marcos Jr. si Philippine National Police Chief General Nicolas Torre III.
Basado an impormasyon kay Executive Secretary Lucas Bersamin ngonian na aldaw, Agosto 26, 2025.
Dai naman nagtao nin iba pang detalyes manungod sa kung ano an rason dapit digdi.
Alagad an pagbabago an magigin epektibo tulos asin ipigusgo na siertuhon na maayos an turn over kan mga dokumento asin impormasyon sa saiyang ofisina ngani mamantenir an padagos na serbisyo sa PNP.
Si Torre an itinalaga bialng PNP Chief kan Mayo 29, 2025 asin sa irarom kan saiyang mandato an pinangenotan niya an pulisya sa mga high-profile na operasyon asin nakapag-arestar kay dating President Rodrigo Duterte asin kay Kingdom of Jesus Christ leader Apollo Quiboloy.
Mantinidong pig-oorolayan na papalit kay Torre si Police General Melencio Nartates bilang PNP Chief.
Mientrastanto, laoman man an bagong direksiyon sa ahensya, orog na sa mga isyu kan internal cleansing asin pagpapakusog sa presensya kan kapulisan sa mga komunidad.
An biglaang pagbabago sa liderato kan PNP an parte kan suboot pagpapahiwas kan reporma sa linya kan mga kapulisan.
