Niyugo kan makusog na magnitude 5.8 na linog an eastern Hokkaido, Japan ngonian na aldaw nin Sabado, Oktubre 25.
Basado sa Japan Meteorological Agency, nangyari an linog kasubagong ala-1:40 nin maagahon.
May rarom ining 40 kilometers kun saen an episentro kan linog an hale sa timog-sirangang baybayon kan Nemuro Peninsula sa Hokkaido.
Ipinaliwanag kan ahensiya na nangyari an pagyugo sa may boundary kan duwang plates.
Ini na an pang-limang pinakahalangkaw na lebel kan seismic intensity scale kan Japan sa siyudad kan Nemuro.
Ibinaba kan mga opisyal an kusog kan linog hale sa inisyal na magnitude 5.9.
Katakod kaini, inabisuhan kan ahensya an mga residentes sa mga lugar na tinamaan kan linog na magin alerto sa mga aftershocks na mababa sa 5.0 magnitude na posibleng maghaloy nin sarong semana.
Wara mang huma nin tsunami kasunod kan makusog na linog.
