LEGAZPI CITY – Plano kan Makabayan Bloc na ipaapod man giraray ni Bise Presidente Sara Duterte sa isasagibong budget deliberation maski pa nagbaba na ini sa pwesto bilang education secretary.
Sa intrevista kan Bombo Radyo Legazpi kay Gabriela Party-list Representative Arlene Brosas, bilang secretary kan Department of Education sa nakalihis na haros tolong taon, responsibilidad man giraray ni Duterte na simbagon an mga kahapotan kan Kongreso.
Kaiba sa mga mawot na malinawan kan kongresista an pinagkagastosan kan bilyun-bilyon na pondo kan ahensya.
Plano man ni Brosas na kwestiyonon an mga isyu nin korapsyon sa irarom kan liderato ni Duterte asin an naging maluyang performance kan Pilipinas pa-abot sa literacy rate.
Tinawang duon kan Kongresista na maski pa nagbaba na sa posisyon an sarong opisyal, may paninimbagan man giraray ini sa mga anomalya asin kontrobersiya na nangyari durante kan saiyang pagtukaw sa pwesto
