Inabisuhan kan Makabayan bloc si Vice President Sara Duterte na pumondo na sa suboot “pagpapanggap na biktima” asin paggamit nin “gasgas na script” nin mga alegasyon nin pakikipagsabwatan nganing malikayan an mga kahapotan manungod sa saiyang confidential funds.
Sa sarong pahayag, sinabi ni ACT Teachers Rep. Antonio Tinio, Gabriela Rep. Sarah Elago, asin Kabataan Rep. Renee Louise Co na bako totoo an pahayag ni Duterte na an imbestigasyon kan Kamara sa confidential funds an sarong “political weapon” o parte kan sabwatan laban saiya.
Segun sa mga mambabatas, kwarta nin publiko an confidential funds, kun kaya may deretsos an Congreso asin namamanwaan na mag-imbestigar kun pano ini nagastos, urog na kun milyon-milyon an pighahagad asin marikas na pinaluwas.
Ipigdoon man kan mga mambabatas na dai nawawara an mga kahapotan manungod sa pagpondo maski inapod ining “fishing expedition.”
May mga “red flag” suboot sa kadakulaan kan pondo, rikas kan pagluwas kaini, katuyuhan kan paggastos, asin mga proteksyon laban sa salang paggamit
Tinuligsa man ninda an paorootrong pagsambit ni Duterte sa “unmodified opinion” kan Commission on Audit, na segun sainda an dae nangangahulugan na warang sala an nangyari, lalo na kun limitado sana an pigbubuyagyag na detalye sa confidential spending.
Dagdag pa kan Makabayan bloc, mandato kan Kongreso na bantayan ag paggamit kan pampublikong pondo.
Inagyat man ninda an Bise Presidente na maghampang sa Committee on Justice asin simbagon an mga kahapotan kan publiko.
