Tinawan duon ni House Majority Leader Sandro Marcos na warang katotoohan an mga report na zero an Maintenance and Other Operating Expenses (MOOE) asin warang nakatagamang pondo para sa Assistance to Individuals in Crisis Situation (AICS) asin Medical Assistance for Indigent Patients (MAIP) sa General Santos City.
Sinabi ni Marcos na imposible an nasabing pahayag asin inagyat pa an mga nagpapaluwas kan report na berepikahon muna an impormasyon antes ipalakop.
Kan banggiton kan sarong reporter na an impormasyon an hali suboot ki Rep. Leandro Leviste, liwat na ipigduon ni Marcos na dapat munang birepikahon an katotoohan kan impormasyon.
Segun ki Marcos na wara siyang naaaraman na kaso na igwang zero budget para sa mga nabanggit na programa, urog na sa General Santos City.
