LEGAZPI CITY- Passable na an Maharlika highway makalihis an ipigkondusir na flashing asin clearing operations kan mga otoridad kasunod kan panibagong phreatic eruption kan bulkang Bulusan sa Sorsogon kasubanggi.
Segun ki Sorsogon provincial government spokesperson Dong Mendoza sa intrevista kan Bombo Radyo Legazpi na marikas man na naglinig sa mga tinampo ngani na mahali an abo na ibinagsak kan bulkan.
Napag-araman na dakulang tabang man an nairehistrong pag-uran sa nagkairang mga barangay kaya nalinigan an bubong kan mga residente.
Sa ibong kaini, padagos man liwat na pigpapalikay an publiko asin pigpapasulog nin face mask ngani na maprotehiran an saindang sadiri sa epekto kan abo.
Mientras tanto, padagos man an paghahatod nin tabang kan gobierno provincial kan Sorsogon sa mga apektadong residente.
