LEGAZPI CITY-Labi sa 86 na biktima nin pang-aabuso sa nagkapirang Online Lending Application (OLA) an nagsangat nin reklamo, segun sa Presidential Anti-Organized Crime Commission (PAOCC).
Segun sa pahayag kan PAOCC, alas-6 pa sana nin aga, nag-abot na sa saindang opisina an mga biktima na naka-eksperyensya nin mga pananakot hale sa online lending applications ngani magsumiter kan saindang mga sinumpaan na pahayag.
Pigduon kan PAOCC na an mga ilegal na paagi na ginagamit kan mga OLA, kabale na an public shaming, doxing, coercive messaging, asin threats, malinaw na pagbalgar sa data privacy, lending regulations, asin human dignity.
Nakisumaro man sa pagsangat kan reklamo an United Online Lending Application Victims Movement (UOVM). An UOVM sarong organisasyong sibil na pinangenotan ni Kikay Bautista, na nagtatabang asin naggigiya sa mga biktima nin online lending harassment.
Segun kay Usec. Gilberto Cruz, an pagluwas kan mga bagong reklamo, sarong malinaw na senyales na mas dakul na mga Pilipino an nagdedesisyon na ipaglaban an saindang derechos asin labanan an pang-aabuso.
Sinabi niya na igwa sinda sa presente nin mga 150 pormal na reklamo, asin piglalaoman ninda na madudugangan an bilang na ini mantang mas dakol na biktima an nag-aatubang.
