LEGAZPI CITY— Love triangle an pighihiling na motibo kan mga otoridad sa nangyaring pananaksak-gadan sa sarong 60-anyos na lalaki sa Barangay Balaba, banwaan kan Polangui.
Boluntaryong nagsurindir ki Barangay Kagawad Michael Portem an suspek na si Gary Vista, 33-anyos na inako an panggagadan sa biktimang si Rudy Ranara.
Tulos na ikinagadan kan biktima an mga lugad sa saiyang hawak na kawsa kan nasambitan na pananaksak kun sain idineklarar ining dead on arrival kan mga doktor.// Napag-araman na mismong an aki kan suspek an nagdara ki Ranara sa Isip General Hospital.
Narekober kan Polangui Municipal Police an sundang na may sukol na poco mas o menos 40 centimetro an laba na tinurn-over kan tugang ni Vista.
Nakakulong na ngunyan an nasambitan na suspek ngani na kahampangon an konsekwensya kan krimen na nagibo.
