LEGAZPI CITY—Nagpepreparar ngonian an lokal na gobierno kan Castilla, Sorsogon huli sa posibleng huma kan bagyong Tino sa lugar.
Segun ki Municipal Disaster Risk Reduction and Management Office Castilla Head Edgar Ardales Jr., sa intrevista kan Bombo Radyo Legazpi, nagkukundusir na sinda nin information dissemination sa mga namamanwaan mapadapit sa preparasyon na dapat nindang gibohon siring man an pag-monitor sa mga flood-prone areas asin evacuation centers.
Nagkundusir man sinda nin MDRRMC meeting nganing makaolay an mga departamento kan LGU asin iba pang ahensya nganing ipagiromdom an saindang obligasyon en kaso tamaan an saindang lugar kan nasambitang raot nin panahon.
Mantang wara pa suboot sindang nairerehistrong nag-ebakwar an pigpapapreparar man liwat ninda an mga residentes en kaso na mag-iba an sitwasyon sa nasabing banwaan.
Mientrastanto, abiso ni Ardales sa namamanwaan kan Castilla na dae makipagsuhayan sa mga opisyales kan barangay en kaso na sinda an pigpapa-ebakwar partikularment na an mga yaon sa flood-prone areas.
