LEGAZPI CITY—Nagtagama an lokal na gobierno kan Aroroy, Masbate sa pagbakal nin construction materials na ididistribuir sa mga residenteng apektado kan bagyong Opong sa nasabing lugar.
Segun ki Municipal Disaster Risk Reduction and Management Office Head Aroroy Ronnie Atacador, sa intrevista kan Bombo Radyo Legazpi, ini an gikan sa saindang ini-realign na pondo na ip[igbugtak na sa emergency assistance kun saen nag-aabot sa P20 million an kantidad.
Ini suboot an saindang pigkukuwaan kan pagtao nin construction materials bilang kadugangan na tabang sa gabos na apektadong residentes kan saindang munisipalidad.
Mientrastanto, pig-asigurar man kan opisyal sa saindang namamanwaan na yaon an lokal na gobierno kan Aroroy nganing magtabang sa kun ano pang asistensya an saindang kinakaipuhan sa padikit-dikit na pagbuhat hale sa nakaaging kalamidad.
