Nagbwelta si Leyte Representative Richard Gomez kay Baguio City Mayor Benjamin Magalong huli sa mga akusasyon kaini kontra sa mga Congressman na mga kurakot suboot.
Sa social media post kan mambabatas, dae niya pinangaranan an alkalde alagad garo pigtutumbok niya si Mayor Magalong na hayagan kaining sinabi na may mga mambabatas na imbuelto sa korapsyon.
Sinabihan ni Rep. Gomez si Magalong na ayuson muna an saiyang ciudad bago magtukdo sa iba.
An Leyte solon nagpahayag kan saiyang pagkadisganar sa pauru-utrong akusasyon kan alkalde, na ilinadawan niyang taktika nganing makuwa an atensyon kan media.
Inagyat man ni Gomez an imahe kan alkalde bilang sarong opisyal publiko na libre sa korapsyon.
Pagdoon pa ni Gomez na dai na siya nabibigla sa pigkokonsiderang ‘clean’ mayor na nag-gagapo nin mga akusasyon nin korapsyon sa mga kongresista huli ta ini an pigkokonsiderar na “easiest issue.”
Segun sa Congressman, kun igwang iriwal an alkalde asin an sadiri niyang district representative sa ciudad na nagdara nin dakul na proyekto sa sainda, dae dapat imbuelto an ibang lehislador.
Tinawan duon ni Gomez na kun an agrangay ni Mayor Magalong an personal asin naka-ugat sa sarong lokal na kompetisyon, dapat resolberan ninda ini asin dae na ipagdamay an bilog na institusyon.
