LEGAZPI CITY – Mag-ipon na ng tubig habang maaga bilang paghahanda sa posibleng epekto ng Bagyong Quinta sa lungsod ng Legazpi.
Batay sa Water Storage Advisory ng Legazpi Water District, mas maiging may takip ang mga paglalagyang containers ng tubig.
Tuloy naman umano ang magiging operasyon ng LCWD depende sa anumang sirkumstansya.
Inalerto na rin ang Business Continuity Team upang tiyaking ligtas ang mga water supply facilities maging ang paghahanda ng mga tauhan upang rumesponde sa kinakailangang aksyon.
Sa anumang paglilinaw, maaari namang makipag-ugnayan sa mga numerong (052) 742-3691 to 93 at 09184555922 (Smart); 09266561208; 09667138480; 09266561209 (Globe) maging sa FB page ng tanggapan.
