LEGAZPI CITY – Nagsagibo na nin imbestigasyon an mga otoridad mapadapit sa nangyaring aksidente sa Barangay Padang, Legazpi City na kun sain nabagsakan kan poon nin kahoy an sarong pampasaherong van na may rutang Bagacay-Legazpi asin vice-versa.
Segun ki Legazpi City Police Station Public Information Officer Police Executive Master Sergeant Carlos Paña sa intrevista kan Bombo Radyo Legazpi na susog sa saindang imbestigasyon na may sakay an nasabing behikulo na 17 tawo alagad kan mag-agi sa nasabing barangay an natumbahan ini kan poon kan kahoy na may bicol term na “tabog” na sarong maluyang klase nin kahoy.
Nagluwas man sa saindang imbestigasyon an dead on the spot an 21 anyos na sarong estudyante mantang pigporbar pa ninda ining pigdara sa pinakaharaning hospital alagad ipigdeklara ining gadan na.
Pwedesir suboot na nagluya an pigkakapitan kan ugat kan nasabing kahoy huli sa haros apat na aldaw na pag-uuran sa ciudad na sinabayan pa kan makusog na duros kan paros na nagresulta sa pagkatumba kaini.
Pigtaram pa kan opisyal na kadaklan sa mga sakay kan van an dae man nagsapo nin mga lugad huli ta labing napuruhan an nasa likudan na parte kan behikulo makalihis an pagbagsak kan kahoy.
Pighali na man ninda an posibilidad na nagkaigwang foul play asin pigkonsiderang “act of nature” an nangyari.
Sa presente nagpaparahay pa sa hospital an 8 pang biktima partikular na an sarong 1 year old na aki na nakaligtas sa nangyaring insidente.
Pangapodan ni Paña sa mga driver na magin rigmat sa palibot huli sa makusog na duros kan paros ngonian an igwang posibilidad na may bumagsak na poon nin kahoy sa mga kakalsadahan.
