LEGAZPI CITY-–Nakapagrehistro nin pagbaba sa crime rates an ciudad kan Legazpi sa huring kwarter ngonian na taon kumpara kan ikaapat na kwarter kan nakaaging taon.
Segun ki Legazpi City Police Station Chief of Police Station Police Lieutenant Colonel Domingo Tapel Jr., sa intrevista kan Bombo Radyo Legazpi, nagbaba sa 41 an nairehistrong incident ngonian na 2025.
Kabale sa mga nagbaba na crime rates an robbery incident asin theft incident, mantang naglangkaw man an insidente nin carnapping huli sa dakol sindang naarestar na indibidwal na imbuelto digdi.
Implikasyon suboot ini na epektibo an saindang pigpaotob na crime prevention asin crime solution sa ciudad asin sa pakikipagtabangan man kan publiko magin kan lokal na gobierno kan Legazpi.
Abiso man ni Tapel sa mga Legazpeños na mag-antabay sa saindang social media pages huli sa may mga nakabugtak digdi na crime prevention tips asin mga polisiya na dapat sunodon partikularmente sa pag-obserbar kan Kapaskuhan.
Inasigurar man kan opisyal an kaligtasan kan publiko ngonian na holiday season.
