LEGAZPI CITY-Nagpagirumdom an Legazpi City Government sa mga residente na magtenir muna sa evacuation centers sagkod magpaluwas na nin decampment.
Segun ki Legazpi City Mayor Hisham Ismail sa intrevista kan Bombo Radyo Legazpi na padagos an saindang pigkokondusir na clearing operations sa mga lugar kun sain enot na man na pigduman an mga Barangay kan Tula-tula, Humapon, Imalnod, Bariis, Bogtong asin iba pa huli sa mga darakulang kahoy.
Nakikipagtabangan man sa sainda an Bureau of Fire Protection-Legazpi para malinigan an mga tinampo asin maibalik na an supply nin kuryente sa ciudad.
Dugang pa niya na pigaasigurar na an pag-assess kun pirang poste an natumba sa mga lugar.
Dagdag pa kan alkalde na nagbibisita sinda sa mga evacuation centers asin nagpapagirumdom sa gabos na magtenir muna sa mga evacution center sagkod na magkaigwa na nin mga abiso para sa decampment.
Mensahe man kan an opisyal na mag-ingat an gabos asin dae magpakampante sa presenteng sitwasyon sa ciudad.
