LEGAZPI CITY — Pigbubusol ngonian an pagkakaigwa nin ‘Grab trike’ sa ciudad kan Legazpi tangarig na makatabang suboot sa mas marikas na transportasyon kan mga commuters.
Segun ki Grab Trike Philippines Operations Manager Robert Belda, kinahihilingan nin potensyal na makatabang sa tawo an transport network company urog nang saro an Legazpi sa mga ciudad na maikokunsiderar bilang tourism hub.
Kumpiyansa ini na madakol an mga customers kan klase nin transportasyon huli ta siertong papatok ini sa mga turista na tuod gumamit nin TNC service sa ibang mga lugar.
Dugang pa ni Belda na pig-propuesto na man ninda an pagkakaigwa nin resolusyon sa mga local government unit kun papano madidisiplina an mga tricycle driver tangarig na dae magkaigwa nin problema.
Pig-eksplikar man kan opisyal an rason kun nata igwang booking fee an ride-hailing app.
Segun digdi, maski wara pa an pasahero, naghahalat na an driver kaya nagagastos na sa gasolina mantang an iba man an naghahalat sa sarong lugar alagad biglang ikakanselar kan pasahero an booking kaini kaya nasasayang an biyahe.
