LEGAZPI CITY — Dagos man giraray sa pagdalagan sa House speakership post an miembro kan Makabayan bloc sa ibong kan pag-endorso ni Presidente Rodrigo Duterte ki Taguig-Pateros District Rep. Alan Peter Cayetano para sa pwesto.
Magigin kabanga suboot kaini sa termino si Marinduque Rep. Lord Allan Velasco mantang si Leyte Rep. Martin Romualdez an magigin Majority Floor Leader.
Dae na ikinabigla ni Bayan Muna Party-list Rep. Carlos Isagani Zarate an ginibo kan Presidente huli sa suboot paksyon sa “super majority”.
Direktang sinabi kan lehislador sa intrevista kan Bombo Radyo Legazpi na pigpapaluya sana kan lakdang an independencia sa pagpili sa Kamara kaya idadagos man giraray an pagdalagan.
Segun pa ki Zarate na mapuon na man an “lame duck syndrome” kun sain klarado suboot na ibubusol an pagbabago kan Konstitusyon.
Posible man suboot na madaling mahali an siisay man na nasa posisyon kun dae nakauyon sa interes kan super majority coalition an gigibuhon kaini.
