LEGAZPI CITY—Takdag sa kamot kan mga otoridad an sarong indibidwal sa ginibong buy-bust operation sa Barangay Iraya, Guinobatan, Albay.
Nakumpiskar sa suspek an pigtutubudang shabu na may gabat na 1.28 gramos asin may street value na P8,704.00, kabale an buy-bust item asin marked money.
Naarestar ini sa pinagsarong operatiba kan Guinobatan Municipal Police Station, 1st Albay Provincial Mobile Force Company, asin Philippine Drug Enforcement Agency Bicol.
Sa presente nasa kustodiya na an Guinobatan MPS asin mahahampang sa kasong pagbalgar sa Sections 5 asin 11, Article II kan Republic Act 9165 o Comprehensive Dangerous Drugs Act of 2002.
