LEGAZPI CITY — Dae na naisalbar an buhay kan sarong lalaki malalihis ining malamos sa kadagatan na sakop kan Barangay Ariman, Gubat, Sorsogon.
Nabisto an biktima na si Darius Badillos, 47-anyos na tubong Mandaon, Masbate.
Enot kaini, nagpasiring sa hepatura kan Gubat Municipal Police si Nathaniel Rubia, 20-anyos, ngani na ipaabot an dapit sa insidente.
Nagluluwas sa inisyal na imbestigasyon kan mga otoridad na nakipag-inuman an biktima kaibanan an saiyang mga ka-trabaho harani sa beach resort.
Mientras na naglalangoy, inabutan an biktima nin makukusog na ukol rason ngani na mapagpad ini sa hirarom na parte kan kadagatan.
Pinagkakarkulong labi sa 20 minutos na nagtenir sa irarom nin tubig an biktima asin wara na ining malay kan maglataw sa tubig.
Binalo pa man na idalagan sa ospital an biktima kan saiyang mga pag-iriba alagad idineklarar na ining dead on arrival kan mga doktor.
