Ibinuyagyag ni Senate Blue Ribbon Committee chairperson Panfilo “Ping” Lacson na pig-iimbestigaran niya an suboot paggamit nin mga flood control asin iba pang infrastructure projects kan Department of Public Works and Highways bilang kapalit sa kumpirmasyon ni dating Sec. Manuel Bonoan kalihim kan ahensya sa Commission on Appointments kan 2022.
Segun ki Lacson, mantang posible nang matapos an imbestigasyon kan komite sa suboot katiwalian sa flood control projects, nagpapadagos man giraray suboot a saiyang sadiring pagsusuri sa mga pinaghihinalaang ghost o substandard na mga proyekto.
Dugang pa kan Senador, saro sa mga pinaka-interesadong impormasyon na naglataw sa saindang imbestigasyon an suboot paggamit kan mga proyekto sa insentibo sa panahon kan hearing kan Commission on Appointments para sa kumpirmasyon ni Bonoan.
Sinabi ni Lacson na gikan ki dating DPWH Usec. Roberto Bernardo ang impormarsyon kun sain nagpromesa suboot si Bonoan nin pocomas o menos P500 milyong kantidad nin mga proyekto kan DPWH sa sarong miyembro kan Commission on Appointments hale sa Kamara. Segun saiya sinabi kan nasabing miyembro na ibabarewas niya an proyekto sa saiyang mga pag-iriba alagad kalaunan an nagreklamo suboot an pira sa mga ini huli sa wara man na naresibe na proyekto.
Mantang nagluwas man sa imbestigasyon na sa panahong ito, an Commission on Appointments committee on public works and highways na nagkumpirma sa ad interim appointment ni Bonoan asin pinamamayuhan kan kinatawan kaito kan SAGIP Party-list asin ngunyan na senador na si Senator Rodante Marcoleta na siyang bistong saro sa mga kritiko ni Lacson sa paagi kan pagkapot kan Blue Ribbon Committee sa imbestigasyon sa suboot mga anomalya sa Flood control Projects.
Mientrastanto, sinabi man ni Lacson na padagos pa an beripikasyon sa nasabing impormasyon, kabale an pagsusuri sa mga record na itinao ni Bernardo nganing maaraman kun may katotoohan an listahan kan mga proyekto na suboot ginamit bilang kapalit kan kumpirmasyon ni Bonoan.
