Malaloman kan mga motorista an panibagong oil price rollback sa presyo kan produktong petrolyo na ipapaotob sa masunod na semana.
Segun sa Department of Energy-Oil Industry Management Bureau na basado sa international oil trading sa nakalihis na apat na aldaw, posibleng magtapyas an gasolina nin nasa 90 sentimos hasta P1.20 kada litro.
Magkakaigwa man nin rollback an kada litro kan diesel na posibleng magkawat sa P1.30 hasta 1.60 mantang an Kerosene an magbabawas man nin nasa P1.50 hasta P1.65 kada litro.
Pighihiling na resulta ini kan nagluluyang global demand asin pinag-aantisiparan na oversupply.
Komon na pig-aanunsyar kan mga kumpanya nin petrolyo an pinal na price adjustments kada Lunes asin pigpapaotob man kada aldaw nin Martes.
