Suminakat na sa labi 400 na mga gasoline stations sa bilog na nacion an nairehistrong nagsarado sa tahaw kan padagos na paghalangkaw kan presyo kan krudo asin produktong petrolyo.
Segun ki PNP Spokesperson asin Public Information Office Chief PBGen. Randulf Tuaño, haros nado le an numero na ini hale sa 270 na mga nairehistrong nagsaradong gasolinahan kan nakalihis na semana.
Basado man sa datos, labi sa 14,300 na gas stations sa bilog na nacion pa an padagos na pigmomonitor kan kapulisan nganing mapugulan an huma kan profiteering asin hoarding.
Sa ibong na banda, katabang an Department of Energy pigiimbestigaran na kan mga otoridad an rason sa likod kan pagsasarado kan mga gasolinahan nganing masierto na wara ining koneksyon sa pananamantala o pagtatago nin suplay.
Mientrastanto, naenot na digdi an tulo na an nasunadan nin kaso katakod kan ilegal na pagpapabakal nin krudo, hoarding asin profiteering na nairehistro sa Nueva Viscaya, Eastern Samar asin Albay.
