Maabot sa labi duwang milyong indibidwal an nag-atendir sa libreng konsiyerto kan singer na si Lady Gaga sa Copacabana beach sa Rio de Janeiro, Brazil.
Ini an pigkonsiderar na pinakadakulang konsyerto kan pop star na binayadan kan ciudad nganing mabuhay liwat an ekonomiya kan nasabing nacion.
Piglalaoman kaya kan gobyerno na an nasabing konsyerto an madara sainda nin $100 milyon na ganansya sa ekonomiya.
An konsiyerto na ini ni Lady Gaga an parte kan saiyang ikapang-walong album na “Mayhem” kun saen kaiba digdi an mga kanta siring kan “Abracadabra” asin “Die With a Smile”.
Huring nag-perform si Gaga sa Brazil kan 2012 kun saen aga pa sana nagpila na an mga fans asin inabot nin pirang oras bago makalaog sa lugar.
Magigiromdomang kan Mayo 2024 kan magsagibo man nin libreng konsyerto an singer na si Madonna kun saen binayadan man ini kan nasabing ciudad.
