LEGAZPI CITY- Sinierto kan mga otoridad na salbado an sitwasyon kan mga pasahero na na-stranded sa mga pantalan sa rehiyong Bicol kasunod kan epekto kan super typhoon Pepito.
Segun ki Coast Guard Bicol spokesperson Ensign Alysa Bermal sa intrevista kan Bombo Radyo Legazpi na nasa 2, 607 an mga pasahero na na-stranded sa mga pantalan sa rehiyon.
Enkaso na ma-lift na an nakapanderang tropical storm signal sa mga provincia sa rehiyon, pinaglalaoman na tulos na mabalik sa normal an biyahe kan mga behikulong pandagat.
Napag-araman na nasa 123 na mga personahe man an idineploy kan ahensya sa manlain lain na provincia sa Bicol ngani na magtaong asistensya sa pangangaipo kan mga namamanwaan.
Mientras tanto, sinabi ni Bermal na wara man na naresibeng impormasyon an ahensya sa anuman na mga untoward incidents alagad padagos pa an koordinasyon sa mga lokal na gobierno hasta sa ngunyan.
