LEGAZPI CITY — Seryoso suboot an krinear na Presidential Anti-Corruption Commission sa paglamag sa mga kurakot asin mga incompetent na opisyal sa executive branch kan gobierno.
Sa intrevista kan Bombo Radyo Legazpi ki appointed Anti-Corruption Commission head Dante Jimenez, wara suboot siyang sasantuhon sa siisay man na opisyal na mapoprobaran na nagbabalgar sa mandatong itinao kan taumbayan susog na man sa direktiba hale mismo ki Presidente Rodrigo Duterte.
Katakod kaini, ibinuyagyag ni Jimenez na kinaipuhan pang ihanda an sadiri dawa pa hale na sa pagsisirbe bilang founding chairman kan Volunteer’s Against Crime and Corruption (VACC).
Plano man kan bagong sumpang opisyal na mag-organisa kan mga regional offices asin pupunan suboot ini sa Bicol na balak man na gibuhong model sa ‘corrupt-free region’.
Kaining Enero sana kan i-appoint kan presidente si Jimenez sa nasabing posisyon sa pagtataong-dalan sa enot nang iprinomesang lilinigon an nacion sa mga kurakot na opisyal.
