Ibinasura kan Supreme Court (SC) ang petisyon na isinunad kan kontraktor na si Sarah Discaya na nagkukwestiyon sa proceedings kan Office of the Ombudsman laban saiya katakod kan mga iregularidad sa sarong proyektong nagkakantidad nin P96.5 milyon sa Davao Occidental.
An nasabing proyekto an kinaiimbueltohan kan St. Timothy Construction Corporation, na pagmamay-ari kan mga Discaya.
Susog sa imbestigasyon, nakaresibe an kompanya nin bilog na bayad para sa pagpapatindog nin concrete revetment sa Culaman, Jose Abad Santos, Davao Occidental, maski dae ini tapos o pigkonsiderar na “ghost project.”
Kinuwestiyon ni Discaya ang naging desisyon kan Ombudsman na may “probable cause” laban saiya huli sa pagbalgar sa Section 3(e) kan -Graft and Corrupt Practices Act asin malversation through falsification of public documents.
Idineklaran kan Supreme Court en banc na “moot” na ang petisyon huli sa pormal nang naisunad kan Ombudsman ang mga kaso laban kay Discaya sa regional trial court, na nagluwas na man nin warrant of arrest.
Tinawan-doon kan Supreme Court na ang pag-aydentipiakar nin probable cause sa panahon kan preliminary investigation an eksklusibong mandato kan public prosecutor asin bako kalimitang pinakapakiaraman kan mga korte kun ini an suportado kan ebidensya.
An kaso an nagpuon sa nadiskubreng mga anomalya sa laog kan DPWH Davao Occidental District Engineering Office kun sain napatunayang may bastanteng basehan an Ombudsman nganing idagos an demanda laban sa kontraktor.
