Naitakas kan Los Angeles Clippers an 111-110 pagkagana laban sa Sacramento Kings sa overtime sa paagi kan game-winning basket ni Kawhi Leonard sa buzzer.
Nangenot si James Harden sa opensa kan Clippers na may 29 points, mantang nag-ambag si Leonard nin 17 points, kabale an crucial shot sa pagtatapos kan kawat.
Nagpakitang-gilas man si Ivica Zubac na may 22 points asin 14 rebounds, asin si Derrick Jones Jr. na may 17 points.
Sa ibong kan wara si Norman Powell na may hamstring injury asin head coach Tyronn Lue huli back pain, nagibo pa man kan Clippers na makuwa an pagkagana sa irarom kan pamumuno ni assistant coach Brian Shaw.
Sa lado man kan Kings, nagkamada si DeMar DeRozan nin 31 points asin 10 assists, mantang nagdugang si Zach LaVine nin 30 points.
Sa nasambitang pagkagana, napangganahan kan Clippers an season series laban sa Kings asin nakuwa an playoff tiebreaker, na nagpapakusog sa saindang tsansang makalaog sa playoffs.
