LEGAZPI CITY—Buminangkaras an sarong kasulo sa Barangay Bagumbayan, sa banwaan kan Daraga, provincia kan Albay.
Segun ki Gina Matamorosa, family member kan nasuluan, sa intrevista kan Bombo Radyo Legazpi, na dae ninda aram kun pano nagpoon an kasulo huli ta wara man sinda sa saindang harong.
Alagad pigsuspetsaran kaini na an posibleng kawsa kan insidente iyo an refrigerator na nakasaksak sa ikaduwang palagpag kan saindang residencia.
Sinabi kaini na wara man na nairido asin wara man na nadamay na ibang harong sa insidente.
Sa presente, naapula na an kasulo asin nagpapadagos pa an imbestigasyon kan mga otoridad sa kun ano an kawsa kan naunambitang insidente.
