Nag-apela na an book author na si Nicholas Kaufmann na punduhan na siya kan mga supporters ni dating Presidente Rodrigo Duterte sa bulos nin mga mensahe asin comments.
Si Kaufmann an nagkataong kapangaran kan abogado ni Duterte na si ICC counsel Nicholas Kaufman asin sarong letra sana an pagkakaiba kan saindang apelyido.
Segun kay Nick, nakigkig siya sa buhos kan mga mensahe na saiyang nareresibi sa mga nakalihis na aldaw.
Alagad bako lang suboot mga pro-Duterte an mga nagpapadara nin mensahe huli ta igwa mang mga Pilipino na naghahagad na nin dispensa sa nagiging asal kan ibang nagpapa-abot sa saiya nin manlain-laing comment.
Kun kaya pirang midbid kan book author an nag-abiso na sana na gibuhan nin libro an karanasan kaini sa biglang pagsikat sa Pilipinas asin syerto na dakol an magkaka-interes kaini.
May nag-enganyar man saiya na pabayaan na sana an mga comments asin messages asin dae na ini pagpansinon, alagad simbag ni Nick an mas makakamaray sana kun tatantanan na siya kan mga pro-Duterte supporters.
