Pighayag kan kampo ni Direk Darryl Yap na ipinadara ninda kay Vic Sotto an kopya kan script kan pelikulang “The Rapists of Pepsi Paloma” bago pa man iluwas an kontrobersiyal na teaser.
Segun kay Atty. Raymond Fortun, abogado ni Yap, obheto kaining makakuwa nin komento hale kay Sotto, alagad dae suboot sinda nakaresibi nin tugon.
Magigirumduman na kan nakaaging aldaw, nagsampa si Sotto nin 19 kaso nin cyberlibel laban kay Yap nin huli sa naunambitang teaser.
Mientrastanto, itinakda kan Muntinlupa Regional Trial Court Branch 205 an pagdangog sa Enero 15 para sa petisyon ni Sotto na tangkason an mga promotional materials kan pelikula.
Piggiit man ni Fortun na ipaglalaban ninda an karapatan ni Yap sa freedom of artistic expression.
