Tinawan duon ni Senate President Sherwin Gatchalian na magpapadagos an impeachment trial ni Vice President Sara Duterte hasta sa igwang quorum an senate impeachment court, maski dae mag-atendir an saiyang defense team.
Segun ki Gatchalian, opsyon kan depensa kun maatendir o dae sa masunod na hearing, alagad kaipuhan man liwat na tapuson kan impeachment court an napuunan na proceedings.
Sinabi ini ni Gatchalian makalihis ipahayag ni defense counsel Sheila Sison na an anuman na pag-atendir o partisipasyon kan defense team puon sa Setyembre 28 o magiging ad cautelam, o para sana mamantenir an saindang legal na diretsos.
Mientras tanto, binisto man ni Gatchalian an posibilidad na maghagad nin Temporary Restraining Order an depensa sa Korte Suprema ngani na paramientras na ipundo an impeachment trial mantang pigku-kwestyon an bagong voting threshold ruling.
Sa ibong kaini, sinabi niyang naka depende ini sa magigin aksyon kan Korte Suprema sa nasabing petisyon.
