LEGAZPI CITY-Pinirmahan na ni President Ferdinand R. Marcos Jr., an Republic Act No. 12326, na opisyal na nag-establisar nin limang taon na termino sa pwesto para sa mga opisyales kan barangay asin mga miembros kan Sangguniang Kabataan (SK).
Kasabay kan pagpasar kan bagong ley, pig-enganyar kan Presidente an mga incumbent na gamiton an dugang na termino ngani na mas mapakarhay pa an saindang serbisyo publiko.
Pigduon kan Executive Director na an mas halawig na termino, nagtatao nin oportunidad sa mga lokal na lideres na matapos an mga programa na saindang pinunan asin masimbagan an mga pundamental na pangangaipo kan mga komunidad, pamilya, asin mga jovenes.
Segun sa Presidente, an dagdag na termino sa pwesto nangangahulugan man nin mas dakul na oras ngani magserbi asin bilog na pusong mag-otob kan saindang mga responsibilidad sa banwaan.
