Pwedesir iangat sa mas mahewas na proteksyon sa pagkalugi an mga paraooma asin parasisira makalihis aprubaran kan House of Representatives sa third and final reading ang propwestong ley na magpapakusog sa Philippine Crop Insurance Corp.
Sa irarom kan House Bill No. 10365, bako na sanang paroy asin mais an pwedesir isakop kan crop insurance kundi pati high-value crops, livestock, aquaculture asin fishery products, agroforestry crops asin forest plantations.
Pwedesir man na ibale sa insurance an mga makinarya, kagamitan, transport facilities asin iba pang agricultural infrastructure, siring man an life asin accident term insurance para sa mga paraooma asin parasisira.
Obheto kan propwesto na mas marikas na makabuhat an benepisyaryo hale sa epekto kan bagyo, iba pang kalamidad, helang kan masitas asin hayop, pati peste asin iba pang pagkalugi.
Naipasa an HB 10365 sa boto na 201 pabor, zero na tutol asin zero abstention.
Segun ki House Speaker Faustino “Bojie” Dy III, importante an mas matibay na insurance system nganing dae mauli sa pagkakautang an mga paraooma sa kada tatamaan nin kalamidad an saindang kabuhayan.
Sa propwesto, pwedesir pang magpaotob an PCIC nin parametric o index-based insurance asin iba pang makabagong insurance products, mantang pigpapamantinir an government premium subsidies para sa mga kwalipikadong subsistence farmers na nag-ooma nin dae malabi sa tulong ektarya.
