Piglalaomang uuranon sa laog nin pirang aldaw an kadakol na probinsya sa Luzon huli sa epekto kan bagyong Ramil.
Ngonian na aldaw (Oct. 17), piglalaomang makakaeksperyensya nin mga serye kan pag-uran an mga probinsya sa Bicol Region na pigtutumbok kan bagyo.
Saaga (Oct. 18), piglalaomang makakamate nin 50mm sagkod 100mm na pag-uran an mga probinsya kan Quezon, Camarines Norte, Camarines Sur, Catanduanes, Albay, Sorsogon, asin Northern Samar.
Pagsapit kan dominggo (Oct. 19), kaparehong bulto kan uran man an piglalaomang mamamatean kan mas kadakol na probinsya, urog na sa Northern Luzon.
Kinababalehan ini kan Ilocos Norte, Ilocos Sur, La Union, Apayao, Abra, Kalinga, Mountain Province, Ifugao, Benguet, Cagayan, Isabela, Quirino, Nueva Vizcaya, Aurora, asin probinsya kan Quezon.
Dae pigtatanggal kan state weather bureau an posibilidad na mas halangkaw na bulto kan tubig-uran an mabuhos sa mga naunambitang lugar, urog na kun makusog pa lalo an bagyong Ramil na presenteng naghihiro sa sirangang baybayon kan Pilipinas.
, the provinces in the Bicol Region hit by the typhoon are expected to experience series of rains.){kind=link}